अमरावती :- अमरावती मधील चांदूर बाजार तालुक्यामध्ये अज्ञात वाहनाच्या धडकेमुळे दोन तरुणांच्या मृत्यू झाला, त्यांचे वय १८ वर्षे होते. मिळालेल्या माहितीनुसार, संघनिक बडगे, सोहम नवघरे व ओम गायकवाड हे तिघे संघनिक बडगे यांचा बर्थडे असल्याने केक आणण्यासाठी चांदूर बाजारात गेले वापस येताना अमरावती – चांदूर मार्गावर एका दुचाकीने धडक दिल्यामुळे तिघेही जखमी झाले.
त्यात संघनिक बडगे व सोहम नवघरे याचा जागीच मृत्यू झाला. गावकऱ्यांना या घटनेची माहिती मिळताच त्यांनी घटनास्थळ गाठले व जखमीला जिल्हा सामान्य रुग्णालयात दाखल केले, यादरम्यान पोलीस घटनास्थळावर आले पंचनामा करून अज्ञात चालकाविरुद्ध गुन्हा दाखल केला. बोराळा गावामधील दोन तरुणांचा अकाली मृत्यू झाल्याने गावामध्ये शोककळा पसरली आहे.
