गडचिरोलीमधील एका पतीने चाकूने केले पत्नीवर लगातार वार, पत्नी गंभीर जखमी

गडचिरोली: हळदवाही येथे पतीने आपल्या पत्नीवर चाकूने लगातार वार केले. यात पत्नी गंभीर जखमी झाल्याची घटना घडली . आरोपी महेश रूषी नैताम (२८) रा. दिभना, ता. गडचिरोली याला घोट पोलिसांनी अटक केली आहे.

आरोपी पती महेश नैताम हा दारू पिऊन येऊन पत्नीला मारझोड करायचा व शिवीगाळ करायचा. पतीच्या अशा त्रासदायक वागण्यामुळे महेशची पत्नी डिम्पल महेश नैताम ही आईवडिलांच्या घरी माहेरी हळदवाही येथे जाऊन राहत होती.त्यामुळे महेशपण सासुरवाडीला आला. आणि डिम्पलला तू सासरी का येत नाहीस, असे म्हणत संतापाने तिच्यावर चाकूने वार केला.

पत्नीच्या पोटावर, शरीरावर वार केल्याने पत्नी गंभीर जखमी झाली . त्यामुळे पोलिस मदत केंद्र घोट येथे आरोपीविरुद्ध गुन्हा दाखल करण्यात आला आहे. आरोपी पतीला ३ ऑक्टोबर रोजी अटक केली. न्यायालयात हजर केले असता न्यायालयाने त्याला दोन दिवसांची पोलिस कोठडी सुनावली आहे.