गडचिरोली : या जिल्ह्यामध्ये एका नक्षलधाम दाम्पत्त्याने गडचिरोली पोलिसांसमोर आत्मसमर्पण केल्याची बातमी समोर आली आहे .त्यांच्यावर आठ लाखांचे बक्षीस होते .असिन राजाराम कुमार (३७)व अंजू जाळे (२८)असे या दांपत्याचे नाव आहे .
ओडिशात माओवाद्यांच्या हिंसक चळवळीत काम करणाऱ्या दाम्पत्याने गडचिरोली पोलिसांपुढे १९ ऑक्टोबरला शरणागती पत्करली. त्यांच्यावर आठ लाखांचे बक्षीस होते. आंतरराज्य नक्षल दाम्पत्याच्या शरणागतीमुळे विविध हिंसक कारवायांचा खुलासा होण्याची शक्यता आहे.
असिन राजाराम कुमार ऊर्फ अनिल ऊर्फ गगनदीप ऊर्फ निशांत ऊर्फ सुशांत (३७, रा. मंडीकला ता. नरवाना, जि. जिंद, हरयाणा) व अंजू सुळ्या जाळे ऊर्फ सोनिया ऊर्फ जनिता (२८, रा. गुरेकसा ता. धानोरा, जि. गडचिरोली), अशी त्यांची नावे आहेत.
असिन हा ओडिशात नक्षल चळवळीच्या प्रेस टीममध्ये एरिया कमिटी मेंबर म्हणून काम करायचा, तर अंजू ही याच दलममध्ये सदस्य होती. २०१८ पासून ते सुन्नी जि. शिमला (हिमाचल प्रदेश) येथे राहून नक्षलचळवळीसाठी काम करत.
