गडचिरोली जिल्ह्यातील प्राथमिक आरोग्य केंद्रात नोंदवण्यात आले अनधिकृत कर्मचारी..

गडचिरोली : या जिल्ह्यामध्ये प्राथमिक आरोग्य केंद्रात अनधिकृत कर्मचारी नेमलेले असून ,रुग्णांच्या जीवाचा खेळ होत असल्याची बातमी समोर आली आहे. हा सगळा प्रकार अहेरी तालुक्यातील कमलापूर येथील प्राथमिक आरोग्य केंद्रात सुरू आहे.इथे गेल्या 18 वर्षापासून आरोग्य केंद्रात कधी डॉक्टर येतात तर कधी येत नाही .

वरून यात अनधिकृत कर्मचारी नेमण्यात आल्याने रुग्णांना तपासण्याचे व त्यांच्यावर उपचार करण्याचे काम तेच करतात.तर काही रुग्णांना प्रायव्हेट हॉस्पिटलमध्ये पाठवले जाते.या आरोग्य केंद्रात डॉक्टर राजेश मानकर हे वैद्यकीय अधीक्षक आहेत.ते गेल्या 18 वर्षापासून याच ठिकाणी आहेत .तर मानसेवी अधिकारी डॉक्टर संतोष नैताम हे देखील सात ते आठ वर्षापासून याच ठिकाणी आहेत.त्यांचे दोन खाजगी दवाखाने आहेत.

त्यामुळे प्राथमिक आरोग्य केंद्रात आलेल्या अनेक रुग्णांना ते त्यांच्या खाजगी दवाखान्याकडे वळवत होते.या सगळ्या प्रकरणामुळे ,प्राथमिक आरोग्य केंद्रात जर असा गैरप्रकार होत असेल तर याची चौकशी केली जाईल.व त्यांच्यावर कारवाई केली जाईल, असे जिल्हा आरोग्य अधिकारी डॉक्टर प्रताप शिंदे यांनी म्हटले आहे.