गडचिरोली जिल्ह्यात अज्ञात वाहनाने धडक दिल्याने ,एक भाऊ जागीच ठार एक भाऊ गंभीर जखमी..

गडचिरोली : या जिल्ह्यातील चामोर्शी तालुक्यात अस्थी विसर्जन करून परत येताना ,अज्ञात वाहनाने धडक दिल्याने एका व्यक्तीचा जागीच मृत्यू झाला. मिळालेल्या माहितीनुसार मार्कंडादेव येथील वैनगंगा नदीत ,नातेवाईकाच्या अस्ती विसर्जन करून गावाकडे परत येताना ,हा अपघात झाला.

ही घटना गडचिरोली-चामोर्शी महामार्गावरील कुनघाडा रै, फाट्यापासून २०० मीटर अंतरावर शुक्रवार, ११ ऑक्टोबर रोजी रात्री ७:३० वाजेच्या सुमारास घडली.

प्रेमशहा ज्ञानशहा अलाम (५०) असे मृत झालेल्या व्यक्तीचे नाव आहे ,तर प्रतापशहा ज्ञानशहा अलाम (५२)(रा. गिलगाव) असे जखमी झालेल्या व्यक्तीचे नाव आहे.जखमी झालेल्या व्यक्तीला चामोर्शी ग्रामीण रुग्णालयात भरती करण्यात आले आहे.

हे दोघे भाऊ एम.एच. ३३ के. ३४८६ क्रमांकाच्या दुचाकीने नातेवाइकाच्या अस्थी विसर्जनासाठी मार्कडादेव येथे गेले होते. तेथील कार्यक्रम आटोपून गावाकडे परत येत असतानाच कुनघाडा रै. फाटा परिसरात अज्ञात वाहनाने दुचाकीला जोरदार धडक दिली. या घटनेचा अधिक तपास चामोर्शी येथील पोलीस करीत आहेत.