गडचिरोली:या जिल्ह्यातील मुलचेरा तालुक्यात एका ३६ वर्षीय बँक व्यवस्थापकाने २० वर्षीय युवतीचे शारीरिक शोषण केले . विजय सदानंद राठीपिटने असे आरोपीचे नाव आहे .हा आरोपी २०२३ मध्ये मूलचेरा येथील विदर्भ कोकण बँकेत व्यवस्थापक पदी कार्यरत होता.तेव्हा लभानतांडा येथे एक युवती, ही बँकेत येणं जाणं करायची, यादरम्यान दोघांचाही परिचय झाला .
तेव्हा आरोपीने मुलीला, तुला शिक्षणासाठी मदत करतो आणि अधिकारी बनवतो असे आमिष तिला दिले.त्यानंतर तिच्यासोबत वेळोवेळी शारिरिक संबंध ठेवले. नंतर मुलीने लग्नाचा आग्रह केला .तेव्हा आरोपीने तिला दमदाटी करून लग्नाला नकार दिला .झालेल्या मानसिक त्रासामुळे मुलीने मुलचेरा पोलिस स्टेशनमध्ये १५ ऑक्टोबरला शारीरिक शोषणाची तक्रार नोंदवली.
सदर तक्रारीवरून आरोपीला अटक करून गुन्हा नोंद करीत न्यायालयात हजर केले असता १८ ऑक्टोबरपर्यंत पोलिस कोठडी सुनावण्यात आली होती. या प्रकरणाचा पुढील तपास पोलिस निरीक्षक महेश विधाते व पीएसआय ऋतुजा खाते करत आहेत.
