गडचिरोली येथील एका अपघातात मृत्यू झालेल्या मृतदेहाला पाठविल्यावर लगेच झाला दुसरा अपघात..

गडचिरोली : गडचिरोली येथील मूलचेरा या गावात अपघातात मृत्यू झालेल्या मृतदेहाला ,दवाखान्यात पाठवल्यानंतर ,तिथून परत येताना आणखी दुसरा अपघात पोलिसांपुढेच झाल्याची बातमी समोर आली आहे ,मिळालेल्या माहितीनुसार, आष्टी लगाग मार्गावर अज्ञात वाहनाच्या धडकेत राधाकांत पुलीन मंडल हा ठार झाला .

या अपघातानंतर आष्टी मूलचेरा व अहेरीचे पोलीस तेथे आले व पोलिसांनी पंचनामा करून मृतदेह ग्रामीण रुग्णालयात पाठवला .

त्यानंतर मुलचेरा येथील पोलीस तिथून परत येत असतांना मूलचेरा-आष्टी मार्गावरील रेंगेवाही गावाजवळील वळणावर एटापल्लीहून आष्टीकडे निघालेल्या मालवाहू जीपने (एमएच ३४ बीझेड- ७३७२) आइस्क्रीमचा बॉक्स घेऊन दुचाकीवरून (एमएच ३३ डी- ०४१३) मूलचेराकडे निघालेल्या प्रणय रामचंद्र निमरड (१९, रा. गोंडपिंप्री, जि. चंद्रपूर) यास उडवले. यात तो ठार झाला.

या घटनेनंतर मूलचेरा पोलिसांनी पंचनामा करून प्रणय चा मृतदेह तपासणीसाठी पाठवला व एटापल्ली येथे राहणाऱ्या श्रीकृष्ण दीपक मोहरले या जीप वाहन चालकाला ताब्यात घेतले व पुढील तपास पोलीस करीत आहेत.