गोंदिया जिल्ह्यातील देवरी राष्ट्रीय महामार्गावर कंटेनरने दिली कारला धडक, कारचालक गंभीर जखमी..

गोंदिया :या जिल्ह्यातील देवरी येथील राष्ट्रीय महामार्गावर भरधाव वेगात येणाऱ्या कंटेनरने कारला धडक दिली. यात कारचालक गंभीर जखमी झाला आहे. हा अपघात राधिका हॉटेलसमोर सकाळी 9 वाजता झाला. युवराज मनीराम लटये (३२),असे गंभीर जखमी झालेल्या कारचालकाचे नाव आहे .हा कारचालक देवरी तालुक्यातील लोहरा या गावात राहतो .

मिळालेल्या माहितीनुसार नवेगावबांध येथे जातांना ,कंटेनर क्रमांक डब्ल्यू बी २३ एफ ८२६७,या कंटेनर
चालकाने वाहन हलगर्जी पणाने चालवून कारला धडक दिल्याने हा अपघात झालाय .

त्यामुळे चंद्रिका भिकन यादव(३२) रा.
परतापूर, जि. गिरडोह (झारखंड) यांच्याविरुद्ध देवरी पोलिसांनी भारतीय न्यायसंहिता कलम २८१, १२४ (अ), ३२४, (४) (५) अन्वये गुन्हा दाखल केला आहे. तपास पोलिस नायक महेंद्र मेश्राम करीत आहेत.