गोंदिया :या जिल्ह्यामध्ये गर्दीच्या ठिकाणी असलेल्या मोटारसायकली चोरणाऱ्या, दोन चोरट्यांना पोलिसांनी पकडले आहे. विक्की वसंता रामटेके व विक्रम रामेश्वर उके असे आरोपींची नावे आहेत .
या आरोपींनी बस स्टँड ,न्यायालय, आठवडी बाजार ,पार्किंग ,तसेच इतर ठिकाणाहून मोटार सायकल चोरली होती, गोंदिया जिल्ह्यातील पोलिसांनी मोटर सायकल चोरीच्या घटनांची गंभीर दखल घेतली, व त्या दोघांकडून पोलिसांनी 18 मोटरसायकल जप्त केल्या ,व त्यांना स्थानिक गुन्हे शाखेच्या पोलिसांनी अटक केली आहे.
स्थानिक गुन्हे शाखेचे निरीक्षक दिनेश लबडे यांनी वेगवेगळी पथके तयार करून, त्यांना गुन्हे संबंधाने गोपनीय माहिती संकलित करणे, जिल्हा व जिल्ह्याबाहेरील गुन्हेगारांची माहिती काढून त्यांचे हालचालीवर बारीक लक्ष ठेवणे, तांत्रिक स्वरुपातील बाबी व गुन्हेगारांचा अभिलेख पडताळण्याबाबत मार्गदर्शन
केले.
त्यानुसार पथकांनी कार्य करून विक्की रामटेके व विक्रम उके यांना ताब्यात घेतले. ही कारवाई पोलिस अधीक्षक गोरख भामरे, अपर पोलिस अधीक्षक नित्यानंद झा, उपविभागीय पोलिस अधिकारी साहील झरकर यांच्या निर्देशान्वये पोलिस निरीक्षक दिनेश लबडे, अमित वानखेडे, पोलिस अंमलदार प्रकाश गायधने, इंद्रजित बिसेन, सुबोध बिसेन, दुर्गेश तिवारी, वेठ्ठले यांनी केली
