गोंदिया जिल्ह्यामध्ये दुर्गा विसर्जनासाठी तलावावर गेलेल्या तीन तरुणांचा तलावात बुडून मृत्यू झाला.ही घटना शनिवारी रात्री १०.३० च्या सुमारास घडली. आशिष फागुलाल दमाहे (२३),विशाल फागुलाल दमाहे (२०),आणि यश गंगाधर हिरापुरे (१९)अशी मृतांची नावे आहेत.
दुर्गादेवी मूर्ती विसर्जनासाठी हे तिन्ही तरुण गावातील तलावावर गेले होते .मूर्ती पूर्णपणे बुडावे म्हणून तिघेही खोल पाण्यात उतरले होते. परंतु मूर्ती विसर्जन करताना खड्ड्यात तोल गेल्याने दोन भावांसह यश हिरापुरे हे बुडाले.
नागरिकांनी त्यांना वाचवण्याचे प्रयत्न केले ,परंतु त्यांचे प्रयत्न अपयशी ठरले. त्यानंतर बचाव पथकाने त्यांचे मृतदेह बाहेर काढले. यातील आशीष दमाहे याची यंदा लष्करात निवड झाली होती. प्रशासकीय प्रक्रियेनंतर तो भारतीय लष्करात सहभागी होणार होता. परंतु काळाने घाला घातला अन् आशिषचा बुडून मृत्यू झाला.या घटनेसंदर्भात रावणवाडी पोलिसांनी आकस्मिक मृत्यूची नोंद केली आहे.
