गोंदिया : या जिल्ह्यामध्ये एक कुटुंब कामावर गेले असता ,घरी कुणीही नसल्याची संधी साधून चोरट्यांनी भर दिवसा घरातून सोन्या चांदीचे दागिने ,व रोख असा एकूण 2 लाख 26 हजार रुपयांचा ऐवज लंपास केला आहे.
सालेकसा पोलीस ठाण्यांतर्गत ग्राम सोनारटोला येथे ही घटना घडली ,मिळालेल्या माहितीनुसार हरी नथ्थू राहिले हे आपल्या पत्नीसोबत शेतात गेले होते .तर मुलगा कामाकरिता बाहेर गेला होता, तेव्हा अज्ञात चोरट्यांनी घरी कोणीही नसल्याचे पाहून घराचे दार फोडले .
घरातून सात ग्रॅम वजनाचे सोन्याचे पदक, सोन्याची एक साखळी ,सोन्याची अंगठी ,सोन्याची डोरले ,असे एकूण 44 ग्रॅम सोने व 65 ग्राम चांदी चोरून नेले ,याची किंमत दोन लाख 26 हजार इतकी आहे .
या घटनेसंदर्भात १८ ऑक्टोबर रोजी सालेकसा पोलिसांनी भारतीय न्यायसंहिता कलम ३३१, (३), ३०५ अन्वये गुन्हा दाखल केला आहे. तपास पोलिस उपनिरीक्षक मधुकर टेंभुर्णे करीत आहेत.
