चंद्रपरमध्ये क्षुल्लक कारणावरून दोन युवकांमध्ये वाद, कुऱ्हाडीने केला हल्ला,युवक जखमी

चंद्रपूर येथील चिमूर मध्ये एका क्षूल्लक कारणावरून दोन युवकांमध्ये भांडण झाल्याने एका युवकाने दुसऱ्या युवकावर कुऱ्हाडीने हल्ला केला .यात जीव वाचवण्याच्या प्रयत्नात दोघेही गंभीर असल्याची बातमी समोर आली आहे .सुरेश सोनुने (३०)व उमेश वांढरे(३४) अशी जखमींशी नावे आहेत .

या दोघांनाही नागपूर मध्ये पाठवण्यात आले आहे. मिळालेल्या माहितीनुसार सुरेश सोनुने व उमेश वांढरे या युवकांची घरे चिमूर येथील महादेव मंदिर चौकात आहेत, यांच्या घराजवळ असलेल्या पानठेल्यावर या दोघांमध्ये वाद सुरू झाला, यामध्ये उमेशने सुरेशच्या डोक्यावर कुऱ्हाडीने वार केला.

यात दोघेही गंभीर जखमी झाले .त्यानंतर गावाचे पोलीस पाटील, दीपक पाटील यांनी चिमूर येथील पोलिसांना याबद्दल माहिती दिली.

यातील सुरेश सोनुले यांची प्रकृती चिंताजनक आहे. पुढील तपास ठाणेदार संतोष बाकल यांच्या मार्गदर्शनात एम. एन. तालीकोते करीत आहेत.