चंद्रपूर जिल्ह्यात विधानसभा सार्वत्रिक निवडणुकीच्या पूर्वतयारीचा जिल्हानिहाय आँनलाईन आढावा

चंद्रपूर : विधानसभा सार्वत्रिक निवडणुकीच्या पूर्वतयारीचा जिल्हानिहाय आढावा केंद्रीय निवडणूक आयोगाचे उपआयुक्त हिर्देश कुमार यांच्या अध्यक्षतेखाली घेण्यात आला. यावेळीछत्रपती संभाजीनगर, नागपूर आणि अमरावती विभागातील प्रत्येक जिल्ह्याचा आढावा
घेण्यात आला.हा आढावा छत्रपती संभाजीनगर येथे बुधवारी घेण्यात आला.

निवडणूक प्रक्रिया राबविताना त्यात कोणत्याही शंकेला वाव असता कामा नये, याची खबरदारी निवडणूक निर्णय अधिकाऱ्यांनी घ्यावी. निवडणूक प्रक्रियेतील पारदर्शकतेला सर्वोच्च प्राधान्य द्यावे, असे निर्देश भारत निवडणक आयोगाचे उपायक्त
हिर्देशकुमार यांनी निवडणूक यंत्रणांना दिले.

निवडणूक काळात माध्यमांमध्ये येणाऱ्या बनावट, फेक न्यूज अर्थात खोट्या माहितीचे प्रसारण तत्काळ रोखावे, खोटी माहिती असल्यास तिचे प्रसारण रोखून सत्य माहितीचे तत्काळ प्रसारण करावे. याबाबत या विभागाशी संबंधित बातम्या असतील त्यांनी तत्काळ योग्य माहिती पुरवावी व वस्तुस्थिती जनतेसमोर मांडावी, असेही बैठकीत सुचविण्यात आले.

यावेळी चंद्रपूर जिल्ह्याची संक्षिप्त माहिती, विधानसभा मतदारसंघनिहाय जिल्ह्यातील एकूण मतदारांची संख्या (स्त्री, पुरुष व इतर), मतदान केंद्रांची माहिती, मतदान केंद्रावर पुरविलेल्या किमान मूलभूत सुविधा, सहाही मतदारसंघात निवडणुकीसाठी उभे असलेले उमेदवार, जिल्ह्यात ईव्हीएम व व्हीव्हीपॅटची उपलब्धता, निवडणुकीसाठी उपलब्ध असलेले मनुष्यबळ, प्रशिक्षण, वाहतूक व्यवस्था आराखडा, वाहनांची उपलब्धता, विधानसभानिहाय करण्यात येणारे वेबकास्टींग, कायदा व सुव्यवस्था आदीबाबत माहिती देण्यात आली.

या बैठकीला राज्याचे मुख्य निवडणूक अधिकारी एस. चोक्कलिंगम, अतिरिक्त मुख्य निवडणूक अधिकारी बी. प्रदीपकुमार यांच्यासह जिल्हाधिकारी विनय गौडा जी. सी. आदी उपस्थित होते. चंद्रपूर जिल्हाधिकारी कार्यालयातून दूरदृष्य प्रणालीद्वारे सामान्य निरीक्षक संजयकुमार, आर. मुत्यालाराजू रेऊ, संगीता सिंग, कायदा व सुव्यवस्था निवडणूक निरीक्षक अवधेश पाठक, खर्च पथक निवडणूक निरीक्षक आदित्य बी. आणि धर्मेंद्र सिंह यांच्यासह निवडणूक निर्णय अधिकारी रवींद्र माने, संजय पवार, अजय चरडे, पर्वणी पाटील, किशोर घाडगे, दोन्तुला जेनित चंद्रा, उपजिल्हा निवडणूक अधिकारी सुभाष चौधरी उपस्थित होते.