चंद्रपूर जिल्ह्यात वीज कोसळल्याने कारचे नुकसान, इलेक्ट्रॉनिक साहित्य पण बंद

चंद्रपूर: या जिल्ह्यामध्ये वादळी पावसाने हजेरी लावल्याने चंद्रपूर शहरातील एका अपार्टमेंटवर वीज कोसळली आहे. यामध्ये जीवीत हानी झाली नसली तरी ,अनेकांच्या टीव्ही फ्रीजसह अनेक इलेक्ट्रॉनिक्स साहित्य बंद झाले आहे.दरम्यान कारचेही मोठे नुकसान झाले .

मिळालेल्या माहितीनुसार चंद्रपूर येथील गुलमोहर कॉलनीच्या परिसरात असलेल्या विघ्नहर्ता अपार्टमेंटवर वीज कोसळली.यामध्ये इमारतीचा काही भाग कोसळला आणि खाली असलेल्या एका कारवर आढळला.

यामध्ये कारचे मोठे नुकसान झाले आहे. या इमारतीमध्ये २८ फ्लॅट असून, अनेकजण वास्तव्यास आहेत. दरम्यान, वीज कोसळल्यानंतर अनेकांचे इलेक्ट्रिक साहित्य बंद पडले.

यामध्ये टीव्ही, फ्रीज, फॅन बंद पडल्याने नागरिकांचे मोठे नुकसान झाले आहे. या घटनेबाबत नागरिकांनी तहसील प्रशासनाला माहिती कळवली आहे.