चौपाटी चौकातून माहिलेची सोनसाखळी हिसकावली

वर्धा:- रामनगर येथील चौपाटी चौकातून पायदळ चालणाऱ्या महिलेच्या गळ्यातील सोनसाखळी दोन दुचाकीस्वारांनी हिसकावून पळ काढला, याप्रकरणी माहिलेने त्वरित रामनगर पोलीस स्टेशन गाठून अज्ञात आरोपीविरुद्ध गुन्हा दाखल केला.मिळालेल्या माहितीनुसार, फिर्यादीदार महिलेचे नाव लक्ष्मी अग्निहोत्री ही शहरातील एका ज्वेलर्स शॉपमधून मुलाच्या कानातील बाळीचा ऑर्डर देऊन निघाली,

रस्त्यातून चालताना अचानक एका वाहनावर दोन दुचाकीस्वार आले व महिलेच्या गळ्यातील ३६ ग्रॅम वजनाची चैन व दोन डोरले असलेले मंगळसूत्र चोरले. एकूण १ लाख ९३ हजार ८१० रुपयांचा मुद्देमाल हिसकावून पळ काढला. या प्रकरणी महिलेने तात्काळ रामनगर पोलीस स्टेशन गाठून अज्ञात चोरोट्यावर गुन्हा दाखल केला.

चौपाटी चौकात पोलीस ठाणे

रामनगर परिसरातील चौपाटी चौकात पोलीस ठाणे असुन मागील काही दिवसापासून चोऱ्या होण्याच्या घटना वाढल्या आहेत, या परिसरात भरदिवसा चोरटे चोऱ्या करतात यामुळे पोलिसांच्या कार्यावर प्रश्न निर्माण होताना दिसत आहे.