टीईटीच्या पेपरमध्ये लॉजिकल रिजनिंगने विद्यार्थ्यांना फोडला घाम

गोंदिया : या जिल्ह्यातील १६ परीक्षा केंद्रांवरून टीईटीची परीक्षा रविवारी (दि. १०) घेण्यात आली आहे . जिल्ह्यातील परीक्षार्थ्यांसाठी शिक्षण विभागाने पहिल्या व दुसऱ्या पेपरसाठी प्रत्येकी १६ केंद्रांची सोय करून दिली होती.

टीईटीच्या पेपरमध्ये विचारण्यात आलेल्या लॉजिकल रिजनिंगने जणू भावी गुरुजींना घाम फोडला होता. अशा प्रतिक्रिया पेपर देण्यारा विद्यार्थ्यांनी दिल्या आहेत. याचा पहिला पेपर सकाळी १०:३० ते १ वाजता दरम्यान होता. या अडीच तासाचा टीईटीचा पेपर सोडविताना विविध प्रश्नांची उत्तर सोडविताना सर्वात जास्त वेळ लॉजिकल रिजनिंग यातील प्रश्नांना परीक्षार्थ्यांनी दिला आहे. लॉजिकल रिजनिंग यातील प्रश्न खुप अवघड असल्याने अनेकांना याचा त्रास झाला. असे असल्याने भावी गुरुजींना गणिताच्या प्रश्नांना सोडविण्यासाठी अधिक वेळ द्यावा लागला होता .

या १६ केंद्रांवर स्वतः जिल्हाधिकारी प्रजीत नायर व
मुख्य कार्यकारी अधिकारी एम. मुरुगानंथम यांनी भेटी दिल्या. या शिवाय प्राथमिक शिक्षणाधिकारी, माध्यमिक शिक्षणाधिकारी, डायट प्राचार्य व योजना यांचे असे चार भरारी पथक या परीक्षेसाठी होते.

टीईटीची परीक्षा देणाऱ्या विद्यार्थ्यांच्या प्रतिक्रिया :

लॉजिकल रिझनिंग कठीण दुसरा पेपर गोंदिया जिल्ह्यातील १६ केंद्रांवरून टीईटीची परीक्षा देणाऱ्या विद्यार्थ्यांशी पेपर संदर्भात चर्चा केली असता, त्यांनी लॉजिकल रिझनिंगही कठीण होते. मात्र गणिताचे प्रश्न सोपे होते, असे विद्यार्थी सांगत होते.

लॉजिकल रिझनिंगची तयारी ही विद्यार्थ्यांची आधीचीच होती. इतर नोकरीची तयार करताना लॉजिकल रिझनिंगचा ते सराव करीत होते.तरीही प्रश्न कठीण वाटले, असे परीक्षार्थ्यांनी सांगितले.