गोंदिया: या जिल्ह्यामध्ये जनावरांना कत्तलखान्यात घेऊन जाणार्‍या ट्रक चालकाने, भरधाव वेगात टिप्परला धडक दिल्याची बातमी समोर आली आहे. रामनगर पोलीस ठाण्याअंतर्गत येणाऱ्या हॉटेल ऑर्जिड ते किंडगीपार दरम्यान हा अपघात झाला.
या अपघातामध्ये ८ जनावरे ठार झाली आहे.तर पोलिसांनी दोन लाख 59 हजार रुपये किमतीची जनावरे, व 20 लाख रुपये किमतीचा ट्रक, असा एकूण 22 लाख 59 हजार रुपयांचा माल जप्त केला आहे.
या घटनेसंदर्भात पोलिस हवालदार सुनील चौहान यांच्या तक्रारीवरून ट्रक चालकावर भारतीय न्याय संहिता कलम ३२५, २८१ सहकलम ११ (१), (ड) प्राण्यांना निर्दयतेने वागविण्याचा प्रतिबंध कायदा सहकलम ५ अ, ९ अ महाराष्ट्र पासून संरक्षण अधिनियम १९७६ सहकलम १८४, १३२, १७७ मोटार वाहन कायद्यान्वये गुन्हा दाखल करण्यात आला आहे. तपास पोलिस उपनिरीक्षक वाघमोडे करीत आहेत.
