धार्मिक भावना दुखावणाऱ्यांना युवकांना अटक

यवतमाळ:- सोशल मीडियावर समाजाच्या धार्मिक भावना दुखावणाऱ्या दोन व्यक्तींना मोहम्मद अयफाज मोहम्मद हाफिज (२४) व सय्यद मुदशीर शब्बीर अली (३१) यांना शुक्रवारी रात्रीच्या वेळेस अटक करण्यात आली. दोघेही आरोपी हे पांढरकवडा या ठिकाणी रहिवाशी असून त्यांच्यावर भारतीय न्यायसंहिता २०२३ नुसार २९९ व १९२ कलमान्वये गुन्हा दाखल केला .

शुक्रवारला जगदंबा संस्थांचे अध्यक्ष शंकर बडे यांच्या मोबाईल वर धार्मिक भावना दुखावतील अशी पोस्ट व्हायरल होत होती. नवरात्रांमध्ये सोशल मीडियावर प्रचलित होत असल्याने अनेकांच्या भावना दुखावल्या गेल्या, भाविकांमध्ये संतप्ततेच्या वातावरण निर्माण झाल्यामुळे शंकर बडे यांनी समाजामध्ये तेढ निर्माण करणारे पोस्ट व्हायरल करणाऱ्यांवर लवकर कारवाई घ्या अशी तक्रार पांढरकवडा पोलीस स्टेशनला केली.त्यामुळे बराच वेळ नागरिकांची गर्दी तेथे जमली होती, पोलिसांनी आरोपीच्या शोध घेऊन पुढील कार्यवाही केली.