पोलिसांनी टाकलेल्या धाडीत जुगार खेळणाऱ्या ५ जणांना पकडले रंगेहाथ

लाखांदूर : शेतशिवारात नहर परिसरात काही व्यक्तींनी अवैधरीत्या जुगार भरवून पैशाच्या हार-जितची बाजी लावल्याची बातमी समोर आली आहे . मिळालेल्या माहितीवरून पोलिसांनी टाकलेल्या धाडीत जुगार खेळणाऱ्या ५ जणांना रंगेहाथ पकडून कारवाई केली आहे .पोलिसांनी दोनाड येथील विकास बगमारे (३०), प्रबुद्ध वैद्य (२४), विकास ठाकरे (३३), संदीप बुरडे (३२) व किरमटी येथील नेपाल केझरकर (३३) नामक आरोपींविरोधात गुन्हा दाखल करून १ लाख १७ हजार रुपयांचा मुद्देमाल जप्त केला आहे. ही कारवाई १४ नोव्हेंबर रोजी रात्री ७:३० वाजताच्या सुमारास तालुक्यातील किरमटी येथे घडली.

या आरोपींनी किरमटी गावालगतच्या शेतशिवारात अवैधरीत्या जुगार भरविला होता. गोपनीय माहितीवरून ठाणेदार सचिन पवार यांच्या मार्गदर्शनात पोलिस उपनिरीक्षक परमेश्वर आगाशे, पोलिस नाईक सुभाष शहारे, पोलिस अंमलदार नीलेश चव्हाण, ओमकार सपाटे आदी
पोलिस कर्मचाऱ्यांनी जुगार अड्ड्यावर धाड टाकली असता . या कारवाईत ४ दुचाकी आणि रोख असा एकूण १ लाख १७ हजार रुपयांचा मुद्देमाल जप्त केला आहे.

पोलिसांनी पालांदूरमध्येही पकडले पव्वे :

पालांदूर येथेसुध्दा विनापरवाना देशी दारूची वाहतूक करताना पालांदूर पोलिसांनी कारवाई केली. कापडी पिशवीमध्ये असलेले १४ पव्वे पोलिसांनी जप्त केले आहे. याप्रकरणी राजेश रामचंद्र बावनकुळे (४८, रा. मुरमाडी तुपकर) याच्याविरुद्ध पोलिसांनी कारवाई केली आहे . पोलिस शिपाई नावेद पठाण यांच्या तक्रारीवरून गुन्हा नोंदविण्यात आला. तपास हवालदार धांडे करीत आहेत.