बुलढाणा मधील मलकापूर येथे दुचाकीच्या धडकेत एक व्यक्ती ठार तर दुसरा गंभीर जखमी

बुलढाणा :- मलकापूर येथे गुरुवारला दुपारी शेतातून रोडवर येताना बीएसएनएल टॉवर जवळ एका अज्ञात दुचाकी स्वाराने दुसऱ्या दुचाकी ला धडक दिली यात एक व्यक्ती जागीच मृत पावला तर दुसरा युवक गंभीर जखमी झाला.मिळालेल्या माहितीनुसार, मृताचे नाव शिवाजी गणपत पाटील व सोबत असलेला जखमी सुनील पाटील बोदवड रोडवरील ,

बीएसएनएल टॉवरजळ महाराष्ट्र वेल्डिंग यांच्या शेतामध्ये मजूर होते हे दोघेही दुपारला १ दरम्यान मलकापूरला जाण्यासाठी निघाले.ते दोघेही त्या शेतामधून निघाले व मुख्य रस्त्यावर चढत असतांना जांभूळधाबा गावाकडून मलकापूर कडे येणाऱ्या दुचाकीने शिवाजी व सुनील असलेल्या दुचाकीला जोरदार धडक दिली.

या मार्गावर अपघाताचे प्रमाण वाढले आहे.तसेच या रस्त्यावर दिशा सांगणाऱ्या फलकांचा अभाव दिसून येते, रस्ते साफ झालेले नाही झाडाच्या फांद्यामुळे अनेक अपघात झालेले आहेत. या प्रकरणाची माहिती मिळताच बापू केशव पाटील यांनी मलकापूर पोलीस ठाण्यात तक्रार केली.