बुलढाणा मधील शेलगाव देशमुख गावातील युवकाजवळ सापडले भिकारी महिलेचे बाळ

बुलढाणा :- बुलढाणा मधील शेलगाव देशमुख येथे एका २२ वर्षीय युवकाने सोशल मीडियावर बाळ झाल्याचे प्रसारित केले, या प्रकरणाची माहिती घेत पोलिसांनी तपास केली असता ते बाळ छत्रपती संभाजीनगर येथील एका भिक्षेकरी महिलेचे असल्याचे समोर आले. यादरम्यान नागरिकांनी अंधश्रद्धा पसरविणाऱ्या युवकांवर कार्यवाही करण्याची मागणी केली आहे.

मिळालेल्या माहितीनुसार, शेलगाव देशमुख गावातील सुमित सदार याने बाळ झाल्याचे सोशल मीडियावर टाकले व ठाणे मांडून दरबार भरवणे सुरू केले, नागरिकांना युवकाची फोटो समाज माध्यमावर दिसल्यानंतर जिल्ह्यात खळबळ उडाली होती.पोलिसांनी या गोष्टीची दखल घेत बाळासह मोळा रोडवरील घरातून अटक केले,

त्याला विचारले असता ते बाळ नातेवाईकाकडून संगोपनासाठी आणल्याचे सांगितले त्यावर पोलिसांनी चौकशी केली असता, ते बाळ छत्रपती संभाजीनगर येथील एका भिक्षेकरी महिलेची असल्याचे समोर आले. पोलिसांनी युवकावर कडक कार्यवाही करून विविध कलमान्वये गुन्हा दाखल करण्यात आला, आता या बाळाला अमरावती शिशुगृहात ठेवण्यात आले आहे.