भंडारा जिल्ह्यातील करडी पालोरा यथे इमारत बांधकामावरून परत येत असलेल्या मजुराचा मृत्यू

भंडारा जिल्ह्यातील करडी पालोरा यथे इमारत बांधकामावरून परत येत असलेल्या एका मजुराचा मृत्यू झाल्याची बातमी समोर आली आहे .दिनेश जिझोटे असे जागीच ठार झालेल्या मजुराचे नाव आहे .हा मजूर 28 वर्षाचा होता.व तो मुंढरी या गावात राहणारा होता.

मिळालेल्या माहितीनुसार, बांधकामावरून दुचाकीने परत येत असलेल्या मजुरांच्या दुचाकीला ट्रॅक्टरने धडक दिली. यात २८ वर्षीय मजूर जागीच ठार झाला. तर यात गणेश सोनवणे या २५ वर्षीय तरुणाला किरकोळ जखम झाली. ही घटना सायंकाळी मुंढरी पाँईटवर घडली.

या घटनेमध्ये गणेश सोनवणे व दिनेश जिझोटे हे दोघेही मित्र करडी येथे घर बांधकामाच्या कामावर गेले होते. सायंकाळच्या सुमारास काम आटोपून दोघेही दुचाकीने स्वगावी येण्यासाठी निघाले. दरम्यान मुंढरी टी पॉइंटवरून रोहाकडे येत असताना मागुन येणाऱ्या ट्रॅक्टरने त्यांच्या दुचाकीला धडक दिली.

यात मागे बसलेला दिनेश जिझोटे हा खाली कोसळल्याने त्याच्या डोक्याला गंभीर दुखापत झाली. यात त्याचा जागीच मृत्यू झाला ,तर गणेश सोनवणे हा बाजूला पडल्याने किरकोळ जखमी झाला. जखमी सोनवणे याला करडी प्राथमिक आरोग्य केंद्रात उपचारासाठी दाखल करण्यात आले. या घटनेची माहिती करडी पोलिसांना देण्यात आली. व तपास ठाणेदार विलास मुंडे त्यांच्या मार्गदर्शनात यातील पुढील तपास पोलिस करीत आहेत.