भंडारा जिल्ह्यात दुचाकीने कारला दिली जोरदार धडक ,यात दुचाकी चालक जखमी

भंडाऱ्या : या जिल्ह्यातील लाखांदूर या तालुक्यात कारची व दुचाकीची जोरदार धडक झाली.यात दुचाकीवरील चालक गंभीर जखमी झाल्याची बातमी समोर आली आहे.मिळालेल्या माहितीनुसार लाखांदूर ते वडसा या राष्ट्रीय महामार्गावरील चपराड पहाडी परिसरात ही घटना घडली .

यात नातलगाला भेटण्यासाठी जात असलेल्या दुचाकी चालकाने विरुद्ध दिशेने येत असलेल्या चार चाकी वाहनाला जोरदार धडक दिली. या अपघातामध्ये अविनाश सुरेश ढोंगे असे जखमी झालेल्या व्यक्तीचे नाव आहे .तर तेजराम बगमारे असे कार चालकाचे नाव आहे .

अविनाश हा ब्रह्मपुरी तालुक्यातील पिंपळगाव वरून लाखांदूर तालुक्यात जात होता. तर तेजराम हा कारने ब्रह्मपुरी येथे जात होता

तर तेजराम बगमारे यांनी दुचाकी चालकाविरुद्ध लाखांदूर पोलीस ठाण्यात गुन्हा दाखल केला आहे.
यातील जखमी दुचाकी वाहन चालकाला लाखांदूर येथील जिल्हा रुग्णालयात उपचारासाठी दाखल केले आहे .