भंडारा :या जिल्ह्यातील एका अठरा वर्षीय विद्यार्थिनीने आई-वडिलांमध्ये रोजची भांडणे होतात म्हणून ,आणि कौटुंबिक कलहामुळे त्रास होतो म्हणून कीटकनाशक पिऊन आत्महत्या केल्याची बातमी समोर आली आहे.
सुहानी इलापती(18) असे तरुणीचे नाव आहे.ती बी. ए. प्रथम वर्षाचे विद्यार्थिनी होती.
सुहानीच्या कुटुंबात आई-वडील ,एक बहीण ,आणि एक भाऊ आहे ,कौटुंबिक परिस्थिती आणि घरातील रोजची भांडणे, यामुळे तणावात येऊन तिने आत्महत्या केली .
१० वाजताच्या सुमारास ती शेतात गेली आणि दुपारी २ वाजता घरी परत आली .तेव्हा तिला उलट्या झाल्याने तिने कीटकनाशक प्राशन केल्याची माहिती पुढे आली. तीची प्रकृती खालवल्याने आजूबाजूला राहणाऱ्या लोकांनी तिला शासकीय रुग्णालयात नेले .तिथे उपचारादरम्यान तिचा मृत्यू झाला .
या संदर्भात सुहानीचे वडील रवींद्र इलापते (४४) यांच्या तोंडी तक्रारीवरून आणि हॉस्पिटलने दिलेल्या मेमोच्या आधारे लाखनी पोलिसांनी आकस्मिक मृत्यूची नोंद केली. उपनिरीक्षक देवीदास बागडे तपास करत आहेत.
