भंडारा येथील तुमसरमध्ये टिप्परचालकाने दिली दुचाकीस्वाराला जोरदार धडक, दुचाकीस्वाराचा जागीच मृत्यू..

भंडारा : या जिल्ह्यातील तुमसर मध्ये एका दुचाकीस्वाराला रेतीच्या भरधाव टीप्परने उडवले. यात दुचाकीस्वराचा जागीच मृत्यू झाल्याची बातमी समोर आली आहे .मिळालेल्या माहितीनुसार हा अपघात खापा टोली परिसरात तुमसर भंडारा मार्गावर घडला. प्यारेलाल कुमावत(३२) असे मृत्य झालेल्या व्यक्तीचे नाव आहे.

प्यारेलाल यांनी आपल्या दुचाकीमध्ये पेट्रोल भरले आणि भंडाराच्या दिशेने जाण्यासाठी ते निघाले.त्यांचा दुचाकी क्रमांक एम.एच. ३६, एम ६९८६ असा आहे. त्याच दिशेने रेतीचा टिप्पर क्रमांक एम. एच. ३६, एफ. ३२६५ ने त्याच्या दुचाकीला जोरदार धडक दिली.यात दुचाकीस्वाराचा जागीचा मृत्यू झाला.

हा अपघात झाल्यानंतर टिप्पर चालकाने तिथून पळ काढला.या अपघाताची माहिती तुमसर येथील पोलिसांना मिळताच त्यांनी घटनास्थळी धाव घेतली.व मृतदेह रुग्णालयात दाखल केले. यातील पुढील तपास तुमसर येथील पोलीस करीत आहेत.