भाजपने जाहीर केलेल्या उमेदवारीने ब्रम्हपुरी, चिमूर, व राजूरा विधानसभा क्षेत्रातील चेहरे स्पष्ट

चंद्रपूर :या जिल्ह्यातील सहा मतदारसंघांपैकी बल्लारपुरातून सुधीर मुनगंटीवार व चिमूर मतदारसंघातून कीर्तिकुमार भांगडिया यांना भाजपने पहिल्या यादीत उमेदवारी जाहीर केली होती. तर राजुरा, ब्रह्मपुरी, वरोरा व चंद्रपूर या मतदारसंघांतून भाजप कुणाला उमेदवारी देते?याकडे नागरिकांचे लक्ष लागले होते.

त्यामुळे शनिवारी जाहीर केलेल्या यादीनुसार राजुरा मतदारसंघातून माजी आमदार अॅड. संजय धोटे यांचा पत्ता कापून माजी जि. प. अध्यक्ष देवराव भोंगळे यांना उमेदवारी देण्यात आली.

ब्रह्मपुरीत माजी जि. प. उपाध्यक्ष कृष्णा चहारे यांना उमेदवारी जाहीर झाली.तर वरोरा मतदारसंघातून माजी मंत्री स्व. संजय देवतळे यांचे पुत्र करण देवतळे यांना भाजपने मैदानात उतरविले.

भाजपने जाहीर केलेल्या उमेदवारीने ब्रह्मपुरी, चिमूर व राजुरा क्षेत्रांतील लढतीचे चेहरे समोर आले आहे. परंतु अजूनही चंद्रपूर मतदार संघात भाजपचा उमेदवार कोण? याकडे नागरिकांचे लक्ष लागले आहे.