यवतमाळ: आज २८ सप्टेंबर रोजी शनिवारला उमरखेड ईद-ए-मिलाची मोठी रॅली काढली जाणार आहे .यासाठी पोलिसांचा मोठ्या प्रमाणात बंदोबस्त देखील लावण्यात आला आहे .शनिवारला सकाळी ८:३० वाजता जिल्हा पोलीस दलाचे जलद क्रिया दलाचे पथक यवतमाळ वरून स्कार्पिओने उमरखेडला जात असतांना हिवरा संगम जवळ वाहनांचा अपघात झाला. यात पोलीस उपनिरीक्षकासह सात कर्मचारी जखमी झाले.
या घटनेची माहिती मिळताच महामार्ग पोलिसांनी जलद गतीने मदत पोहोचवली. या सर्व जखमी झालेल्यांना शासकीय रुग्णालयात हलविण्यात आले. पोलीस मुख्यालयातील वाहन उमरखेड कडे जातांना अचानक वाहन अनियंत्रित झाले, व हिवरा संगम गावाजवळ अपघात झाला. यामध्ये पोलीस उपनिरीक्षक संजय धावणे(५६), अतुल नागमोते (३०), राहुल एकनाथ (२७), अंकित मनावर (२६),आकाश जाधव (२३), आकाश काळे (३४) यांच्यासह सात जण जखमी झाले. ही पोलिसांच्या वाहनाची अपघात झाल्याची दुसरी घटना आहे याआधी व्हीआयपी वाहण्याच्या पायलेटिंग करणाऱ्या पोलीस वाहनाचा टायर फुटल्याने अपघात झालेला होता.
