यवतमाळ मधील जोडमोहा गावातील व्यक्ती खेकडे पकडण्यासाठी गेला व त्याचा मृत्यू झाला

यवतमाळ :- बुधवारला रात्रीच्या दरम्यान जोडमोहा गावातील शिवारामध्ये व्यक्ती खेकडे पकडण्यासाठी गेला असता विजेच्या ताराला स्पर्श झाल्याने व्यक्तीच्या मृत्यू झाला.मिळालेल्या माहितीनुसार, दत्ताची टेकाम (६०)मनीष बोरकर (४०)व शरद देवताडे (३०) हे तिघे रात्रीच्या वेळेस वाघाडी नदीतील मामेभाचेच्या पुलाजवळ बॅटरी घेऊन खेकडे पकडण्यासाठी गेले,तिघे मोहदरीकडे जाण्यासाठी निघाले तेव्हा वाघाडी नदीच्या काठावरील शेतात वन्यप्राणी कापूस पिकाचे नुकसान करतात म्हणून त्यांच्यासाठी करंट लावून ठेवले होते.

दत्ताजी टेकाम या व्यक्तीच्या विजेच्या ताराला स्पर्श झाल्यामुळे त्याचा घटनास्थळीच मृत्यू झाला, दत्ताजी हे तीन वर्षापासून मोहदरी येथे सालगडी म्हणून काम करीत होता. या घटनेची माहिती मिळताच त्या गावातील पोलीस पाटलाने ग्रामीण पोलिसांना माहिती दिली गुरुवारला पोलिसांनी घटनास्थळावर पंचनामा करून शव तपासणीसाठी रुग्णालयात पाठवले.