यवतमाळ :- यवतमाळ येथील पुसद मध्ये शेंबाळपिंपरी नाक्यावर सोमवारला रात्रीच्या वेळेस वाहन नियंत्रण पथक वाहनांची तपासणी करत असतांना दोन युवक तिथे आले व त्रास कशाला देता म्हणून सरकारी कामात अडथळा आणून अधिकाऱ्यांना शिवीगाळ केली.
मिळालेल्या माहितीनुसार, आरोपी मुन्ना सिद्दिकी व अमनउल्ला बेग हे रात्रीच्या वेळेस पुसद कडून हिंगोली कडे जात होते, रात्रीच्या वेळेस १०:३० च्या सुमारास एक ट्रॅक आले, नाईट पोलिसांनी या ट्रकची तपासणी करतांना हे दोन युवक आले. व तुम्ही गाड्या थांबवून लोकांना त्रास का देता असे म्हणून अधिकाऱ्यांना शिवीगाळ करू लागले,
व जीवे मारण्याची धमकी सुद्धा दिली. या पथकामध्ये सदस्य बी.आर. चव्हाण, एम. एन .बोरचाटे, पोलीस कर्मचारी जगदीश पवार, व्हिडिओ फोटोग्राफर संगीत तराटे इत्यादी रात्री ड्युटीवर होते. यातील एका अधिकाऱ्याने खंडाळा पोलीस ठाण्यात जाऊन तक्रार केली या दोघाविरुद्ध विविध कलमाद्वारे गुन्हा दाखल करण्यात आला.
