वर्धेमधील पत्ते खेळणाऱ्या सहा जुगारींना अटक केली

वर्धा :- वर्धेमधील जुना पुलगाव येथील कॉलेज परिसरात जुव्वा खेळणाऱ्या सहा आरोपींना पुलगाव पोलिसांनी अटक केली, व तेथून ५२ हजाराचा मुद्देमाल जप्त केला. मिळालेल्या माहितीनुसार, जुना पुलगाव मध्ये पत्त्यावर हार- जीतीचा जुगार सुरू होता , या घटनेची माहिती पोलीस पथकाला मिळताच त्यांनी घटनास्थळावर छापा मारला,

तिथे निखिल वाघाडे, रोहित केळवतकर, चेतन राकेश पटेल, जयप्रकाश ओमप्रकाश भांडारकर, रितेश सुरेश मडावी, नरेश बाबाराव खंडागळे इत्यादी जुगारी जुव्वा खेळताना दिसून आले. पोलीस पथकांनी सर्व आरोपींना पकडून अटक केली व त्यांच्याविरुद्ध पुलगाव पोलीस ठाण्यामध्ये गुन्हा दाखल करण्यात आला घटनास्थळावरून पोलिसांनी सहा आरोपीसह ५२ हजाराचा मुद्देमाल जप्त केला.