वाशिम मधील मंगरूळपीर गावात पतंगच्या नायलॉन मांजाने सात जण जखमी

वाशिम:- दि. ११ ऑक्टोंबर रोजी सायंकाळला ७:३० वाजताच्या दरम्यान मंगरूळपीर शहरांमध्ये रस्त्यावर नायलॉन मांजा लटकत होता. त्यामुळे सात व्यक्ती जखमी झाले मंगरूळपीर शहरातील बालदेव परिसर,बस स्थानक परिसर व टाऊनहॉल जवळ पतंगाच्या नायलॉन मांजामुळे अनेक वेगवेगळ्या घटना झाल्या.

व त्यातील दुचाकी चालक जखमी झाले त्यापैकी तीन व्यक्ती जास्त गंभीर असुन, त्यांच्यावर ग्रामीण रुग्णालयांमध्ये उपचार चालू आहे. त्या जखमींना आता अकोला येथे स्थानांतरित केले आहे.

त्यांना मांजामुळे गळ्याला जखम झाली. या जखमीमध्ये गुणवंत भगत, विनोद तलपडे, निंबी गावंडे व इतर दोघांचा समावेश आहे. या प्रकरणाची माहिती पोलिसांना होताच त्यांनी एका पथकाची निवड करून आरोपीवर कार्यवाही करण्यास सांगितले.