वर्धा: सावंगी येथे मेघे अभिमत विद्यापीठाच्या आचार्य विनोबा भावे ग्रामीण रुग्णालयात तज्ञ डॉक्टरांनी अनेक विविध शस्त्रक्रिया यशस्वी केल्या आहेत. पण या प्रकरणांमध्ये अलौकिक यश प्राप्त केले धारदार काचेमुळे हाताच्या पूर्ण नसा कापल्याने तरुणाचा हात कापल्याशिवाय काही उपाय नसतांना केवळ मायक्रोव्हस्क्युलर प्लास्टिक सर्जरीद्वारे रुग्णाला अपंगत्वापासून वाचवणारी शस्त्रक्रिया ही सावंगी मेघे या ठिकाणी आचार्य विनोबा भावे ग्रामीण रुग्णालयात झाली. यवतमाळ जिल्ह्यामध्ये पांढरकवडा या ठिकाणीचे रहिवासी शांती चोटपेल्लीवार (३५) हा व्यक्ती दुकानात साफसफाई करत असताना अचानक काच फुटून त्या काचेच्या मोठा तुकडा त्याच्या उजव्या हातामध्ये गेला. आणि त्या धारदार काचेमुळे शांतीच्या हाताच्या रक्तवाहिन्या कापल्या गेल्या त्यातून जास्त प्रमाणात रक्तस्त्राव झाल्यामुळे तो बेशुद्ध झाला. व या आकस्मिक प्रकरणामुळे घरातील सर्व सदस्य घाबरले.
पांढरकवडा या ठिकाणचे नगराध्यक्ष नहाने व सामाजिक कार्यकर्ते सोनू उप्पलवार यांनी चोटपेल्लीवार कुटुंबीयांची भेट घेऊन जलद गतीने सावंगी मेघे हॉस्पिटल मध्ये भरती होण्यास सांगितले. आणि चोटपेल्लीवार परिवाराने वेळ न गमवता शांतीला सुपर स्पेशालिटी रुग्णालयात दाखल केले. रुग्णालयामध्ये प्लास्टिक सर्जन डॉक्टर फिरोज बोरले यांनी रुग्णालयात तपासणी केली असता, उजव्या हाताच्या पुढील भागाला गंभीर इजा होऊन हाताची स्नायू , रक्तवाहिन्या, मज्जातंतू व अन्य नसा पूर्ण कापल्या गेल्याचे दिसून आले. स्नायू व वाहिन्यांची चांगल्या प्रकारे दुरुस्ती न केल्यास शरीरापासून हात वेगळे करणे जरुरी झाले होते. अशा गंभीर अवस्थेमध्ये डॉक्टर फिरोज यांनी जलद गतीने शस्त्रक्रिया करण्याचा निर्णय घेतला. बधिरीकरण तज्ञ डॉ.अमोल सिंघम व डॉक्टर आदिती गहुकार या सर्वांच्या मदतीने डॉक्टर बोरले यांनी मायक्रोव्हस्क्यूलर प्लास्टिक सर्जरी करून हाताची पुनर्रचना यशस्वीरित्या पार पाडली. रुग्णाला जलद गतीने रुग्णालयात दाखल केल्यामुळे ही शस्त्रक्रिया चांगल्या रित्या पार पडली नाही, तर रुग्णाचा हात कापण्या शिवाय पर्याय नव्हते असे डॉ. फिरोज बोरले यांनी सांगितले.
विदर्भामध्ये फक्त सावंगी रुग्णालयामध्ये ही सुविधा उपलब्ध
अशा प्रकारच्या शस्त्रक्रिया राज्यात मुंबई पुणे यासारख्या मोठ्या शहरामध्ये उपलब्ध असून जास्त खर्चाच्या आहेत. विदर्भामध्ये कोणते हॉस्पिटल मध्ये ही सेवा उपलब्ध नाही, फक्त मायक्रोवेस्क्युलर प्लास्टिक सर्जरीचे शिक्षण घेतलेले तज्ञच ही शस्त्रक्रिया करू शकतात. आज सावंगी मेघे हॉस्पिटल मध्ये ही सेवा कमी खर्चात व सहज उपलब्ध असल्यामुळे जास्त खर्च रुग्णाच्या परिवाराला लागला नाही आणि कमी वेळेमध्ये रुग्ण सुखरूप पणे आपल्या घरी पोहोचला, असे डॉ. बोरले यांनी सांगितले.
