बुलढाणा :- बुलढाणा मधील मेहकर शहरातील चोपडे लेआउट परिसरात २६ ऑक्टोंबर रोजी स्थानिक गुन्हे पथकाने ११ किलो ६०० ग्राम गांजा ताब्यात घेतला. या घटनेमध्ये डोणगावातील एका आरोपीस अटक केली आहे.मिळालेल्या माहितीनुसार, चोपडे लेआउट परिसरामध्ये एका वाहनात गांजा असल्याची माहिती स्थानिक गुन्हे शाखा पोलिसांना मिळाली होती, गुन्हे शाखा पोलिसांनी प्लॅन करून घटनास्थळावर डोणगाव येथील आरोपी गणेश किशोर दीक्षित याच्यासह २ लाख ,३२ हजाराचा गांजा व ४ लाखाचे वाहन जप्त केले.
गुन्हे शाखा पथकांनी असा एकूण ६ लाख ३२ हजाराच्या मुद्देमाल जप्त केला, आरोपीला अटक करून त्याच्याविरुद्ध एनडीपीसीएस नुसार गुन्हा दाखल करण्यात आला.या आरोपी ग्रुप मधील फरार असलेल्या आरोपीच्या शोध घेणे सूरू आहे, पोलीस निरीक्षक अशोक लांडे यांच्या मार्गदर्शनाखाली इतर अधिकाऱ्यांनी ही कारवाई केली.
