अकोला:- २ नोव्हेंबरला रात्री अमरावती – कारंजा मार्गावर रात्रीच्या वेळेस उभ्या असलेल्या बसला समोरून भरधाव वेगाने येणाऱ्या खाजगी बसणे धडक दिली, यात चार जण गंभीर जखमी झाले व बस चालकाचा रुग्णालयात उपचारादरम्यान मृत्यू झाला.मिळालेल्या माहितीनुसार, अमित मुंदडा यांच्या ट्रॅव्हल्सच्या कंपनीमध्ये बस चालक म्हणून कार्यरत होता,
त्याच्यासोबत दुसरा बस चालक श्रीधर तायवडे हा २ नोव्हेंबरला रात्री नागपूरवरून पुणे ला खाजगी बस घेऊन जात असताना अमरावती कारंजा मार्गावर बळीराजा हॉटेल समोर बसचे टायर फुटले, त्यामुळे त्यांनी रस्त्याच्या कडेला बस उभी केली व मोबाईलच्या टॉर्चने टायर बदलवित होते. त्याच्या दुसऱ्या दिशेने खुराणा ट्रॅव्हल्स ची बस भरधाव वेगाने आली
व उभ्या असलेल्या बसला जोरदार धडक दिली, या अपघातात टायर बदलवित असणारा चालक श्रीधर तायवाडे याच्यासह दोन-तीन प्रवासी गंभीर जखमी झाले या घटनेची माहिती होताच नागरिकांनी या चार ही जखमींना रुग्णालयात नेले. उपचारादरम्यान बस चालक तायवाडे याचा मृत्यू झाला व अन्य प्रवासी गंभीर जखमी आहेत.
