यवतमाळ :- यवतमाळ शहरातील एका पोलीस पथकाने अकंडापोड व करकडोह जंगलामध्ये सुरू असणाऱ्या हातभट्टी दारू अड्ड्यावर धाड टाकली. व तेथील एक लाख १६ हजार ८७५ रुपये किमतीचा मुद्देमाल जप्त करून घटनास्थळावरच नष्ट केला.
मिळालेल्या माहितीनुसार, अकंडापोड जंगलामध्ये जमिनीत दारूचे अड्डे असून हे दारू लपवण्यासाठी जमिनीत गाळून ठेवतात ही माहिती यवतमाळ पोलिसांना मिळाली. या माहितीवरून यवतमाळ पोलिसांनी गुप्त जंगलामध्ये धाड टाकली.
तिथे ६३० लिटर दारू, १ हजार ५२५लिटर मोहमाचा सडवा, दारू जमिनीत गाळण्याचे साहित्य असा एकूण एक लाख १६ हजार ८७५ रुपयाचा मुद्देमाल घटनास्थळीच नष्ट करण्यात आला, या कारवाईमध्ये पोलीस अधीक्षक कुमार चीता व इतर अधिकारी पथक उपस्थित होते.
