अमरावती :- १७ ऑक्टोंबरला एका अज्ञात व्यक्तीने मालकाच्या बँक खात्यामधून एकूण ४ लाख ९७ हजार रुपये ट्रान्सफर केले. या घटनेची माहिती मिळताच ६ नोव्हेंबरला आप्पासाहेब बोबडे यांनी परतवाडा पोलीस स्टेशन मध्ये फसवणूक झाल्याचा गुन्हा दाखल केला.
मिळालेल्या माहितीनुसार, परतवाडा बस स्थानकावर आप्पासाहेब बोबडे या व्यक्तीच्या १७ ऑक्टोबर रोजी मोबाईल चोरी गेला, या अज्ञात व्यक्तीने मोबाईलचे लॉक तोडून मोबाईल मधून यूपीआय या ॲपद्वारे ४ लाख ९७ हजार ६४० रुपये ट्रान्सफर केले.
लगेच दोन दिवसांनी बोबडे यांनी बॅलन्स चेक केले असता पैसे ट्रान्सफर झाल्याचा प्रकार सामोर आला, आप्पासाहेब बोबडे यांनी लगेच परतवाडा पोलीस स्टेशन गाठून अज्ञात चोरोट्याविरुद्ध तक्रार दाखल केली.
