बुलढाणा:- १७ नोव्हेंबरला अवैध गुटखा व सुगंधित तंबाखूची वाहतूक करणाऱ्या कंटेनरसह ३९ लाख ६९ हजार ४०० रुपयाचा मुद्देमाल दुपारला २ च्या सुमारास राष्ट्रीय महामार्गावरील एमआयडीसी चौकामधून दसरखेड पोलिसांनी जप्त केला.मिळालेल्या माहितीनुसार, पोलिसांना एका वाहनाला थांबवले व विचारपूस केली त्याने उत्तर समाधानकारक न दिल्यामुळे कंटेनर ची पाहणी केली.
प्लास्टिकच्या पॅकिंग मध्ये पोतळ्या आढळून आल्या राज्यांमध्ये बंदी असलेला गुटखा व सुगंधित पान मसाला आढळला.इतर पंचासमोर पाहणी केल्यानंतर २५ लाख १९ हजार ४०० रुपयांचा गुटखा, तसेच वाहन मिळून अंदाजे १४ लाख ५० हजार असा पूर्ण एकूण ३९ लाख ६९ हजार ४०० रुपयांचा मुद्देमाल जप्त करण्यात आला, याप्रकरणी पुढील कारवाई पोलीस पथकाने केली.
अवैध गुटखा
अवैध गुटखा हा दसरखेड एमआयडीसी चौकात एमपी-जीजी-२९०० या वाहनातून मिळाला आरोपीचे नाव अन्वर नवाब मुलतानी याला पोलिसांनी अटक केली, ही कारवाई पोलीस निरीक्षक हेमराज कोळी, पोहेकाॅ, राजेश बावणे, सतीश वैदकर इत्यादी पथकाने केली.
