गडचिरोली :या जिल्हात आठवडी बाजारातून 10 मोबाईल चोरीला गेल्याच्या तक्रारी गडचिरोली पोलीस ठाण्यात दाखल झाल्या होत्या . हिंगणघाट पोलिसांनी या मोबाईल चोरांना पकडले आहे.
अटक केलेल्या मोबाइल चोरांमध्ये उमेशकुमार ऊर्फ सूर्या नरेश महंतो (२१), विष्णू हरिलाल महंतो (२२), छोटुकुमार बुधन चौधरी (१९) (रा. नायटोला, कल्याणी महाराजपूर, ता. साहेबगंज झारखंड) व रंजित मुनिया (रा. इमली घाबरा जमुरि, जि. वर्धमान – पश्चिम बंगाल) यांचा समावेश आहे.
गडचिरोली जिल्ह्याच्या मुख्यालयी दर रविवारी आठवडी बाजार भरतो. गेल्या काही दिवसांपासून शहरातील आठवडी बाजारामध्ये मोबाईल चोरीला जाण्याच्या घटना जास्त प्रमाणात घडत होत्या .
या दरम्यान आठवडी बाजारातून एकाच दिवशी, १० मोबाईल चोरी गेल्याची तक्रार गडचिरोली शहर पोलीस ठाण्यात नोंदविण्यात आली होती .दरम्यान पोलिसांनी या प्रकरणातील आरोपींकडून १३ मोबाईल जप्त केले आहेत. व पुढील तपास पोलीस करीत आहेत.
