गडचिरोली:या जिल्ह्यामध्ये विधानसभा निवडणुकीच्या अनुषंगाने नक्षलवादी घातपात करू शकतात, ही शक्यता पोलिसांनी गृहीत धरली होती .आणि त्यामुळे आगामी विधानसभा निवडणुकीसाठी नक्षलवाद्यांचा खात्मा करण्यात पोलिसांना यश आले आहे.
छत्तीसगड सीमेवर कोपर्शी जंगलात जोरदार चकमक झाली, यात पाच नक्षलवाद्यांचा खात्मा पोलिसांनी केला आहे. मिळालेल्या माहितीनुसार या मृतांमध्ये तीन महिला व दोन पुरुष नक्षलवाद्यांचा समावेश आहे. यात एक जवानही जखमी झाला आहे. या जखमी जवानाला हेलिकॉप्टरने गडचिरोलीत आणले आहे. त्यांच्यावर जिल्हा रुग्णालयात उपचार सुरू आहेत.
गडचिरोली पोलिसांनी नक्षलवाद्यांविरोधीत अभियान प्रभावीपणे राबविल्यामुळे नक्षल्यांना हादरा बसला आहे.कारण यात अनेक जहाल नक्षलवादी ठार झाले आहे.तर यात काहींनी शरणागती पत्करली आहे.
माओवाद्यांविरुद्ध महाराष्ट्रासह छत्तीसगड पोलिसांच्या आक्रमक मोहिमेमुळे नक्षली सैरभैर झाले आहेत. काहींना अटक झाली, तर काही ठार झाले.
त्यामुळे नक्षली आता नेतृत्वहीन होत आहेत. या पार्श्वभूमीवर छत्तीसगडमधील नक्षली सीमावर्ती भागातील घनदाट जंगलाचा आश्रय घेऊन गडचिरोलीत घुसखोरी करत असल्याचे सांगितले जात आहे.
